Ish-presidentja e Kosovës Atifete Jahjaga ka reaguar pas dwnimit tw njw gruaje, e cila vrau të dashurin në vitin 2018.
Gjykata e Ferizajt e ka dënuar gruan me 18 vite burgim, ndwrkohw qw nw një postim në Facebook, Jahjaga shprehet se sistemi i drejtësisë po funksionon vetëm kur autorët e vrasjeve, janë gra.
Sipas saj, kur ndodh e kundërta, gratë viktima dhe burrat vrasës, e gjithw Kosova duhet të ngrihet në protestë për t’u bërë thirrje gjykatave që t’u japin vrasësve dënimin e merituar.
Postimi i plotë i Atifete Jahjagës:
Gjykata Themelore në Ferizaj paska dënuar sot një grua, e cila ka vrarë të dashurin e saj në vitin 2018, me 18 vite burgim.
Sistemi i drejtësisë, pra, po dijka të funksionojë par excellence kur kryesit e vrasjeve janë gratë.
Ndërsa, kur gratë janë viktima dhe vriten nga burrat e tyre, e tërë Kosova duhet të ngrihet në protestë për t’u bërë thirrje gjykatave që t’u shqiptojnë vrasësve dënimet e merituara.
Çfarë ironie e hidhur e një populli i cili është vrarë nga okupuesit e tij me shekuj të tërë.
Lirinë dhe pavarësinë e ndërtuam mbi premisat e barazisë, drejtësisë, dhe barazisë para drejtësisë! Nuk kemi bërë asgjë nëse shkas për devijimet nga këto vlera e parime bëhet gjinia!
