Policia ka qëlluar mbi protestuesit në Mianmar dhe ka vrarë të paktën dhjetë persona. Viktimat janë konfirmuar nga mjekët, ndërsa kjo është dita më e përgjakshme në Mianmar që pas grushtit të shtetit.
Vdekjet u raportuan ne media, ndërsa policia përdori plumba gome dhe gaz lotsjellës.
Forcat e sigurisë filluan goditjen e dhunshme të shtunën, pas disa javësh protestash kryesisht paqësore kundër grushtit ushtarak të 1 shkurtit.
Udhëheqësit e qeverisë, përfshirë Aung San Suu Kyi, u rrëzuan dhe u arrestuan.
Pamjet e publikuara në media sociale të dielën tregojnë protestuesit duke ikur ndërsa policia i ndjek dhe i godet.
Tensionet u shtuan të dielën pasi udhëheqësit e grushtit të shtetit u përpoqën të prishnin fushatën e mosbindjes civile që ka nisur prej javësh.
