Ministrja e shëndetësisë Ogerta Manastirliu e ka nisur muajin me një video emocionuese të të moshuarve që u vaksinuan kundër COVID-19 ditën e djeshme.
Me fytyrat plotë shpresë, të moshuarit u shprehën se kjo është një vepër e madhe pasi shpëton njerëz.
“Kjo është një vepër shumë e madhe sepse shpëton njerëz”, tha njeri prej të moshuarve.
Disa prej tyre u shprehën se tani ndihen më të sigurt pas marrjes së dozës së parë të vaksinës kundër COVID-19.
“Tani ndihem më e sigurt. Duam të rrojmë akoma të shohim këto gjëra të bukura”.
Deri më tani janë kryer 13.495 vaksinime për bluzat e bardha dhe për të moshuarit, mbi 80 vjeç.
Ndërkohë që ditën e sotme pritet të vijnë 15 mijë doza vaksinash Pfizer.
