Drejtuesi politik i Partisë Socialiste në Elbasan, Taulant Balla e ka nisur ditën me fjalët e mira që At Nikollë Marku i ka thënë atij në prag të zgjedhjeve.
Balla ka publikuar një video të shkurtër në Facebook ku tregon edhe bisedën që pati me At Nikollën.
“Ditë të mbarë! Teksa ecim rrugicave të Kalasë së Elbasanit u përshëndeta me At Nikolla Markun. Faleminderit për fjalët e tij. SHQIPËRIA, E ARDHMJA JONË”, shkruan Balla.
Ndërkohë nga ana e tij, At Nikolla e ka siguruar Ballën për mbështetjen që ai gëzon nga qytetarët.
“Respekte. Respekte të keni. Zoti ju bekoftë. Ju plotësofshin të gjitha dëshirat në çdo fushë të jetës. Bëtë shumë mirë që erdhët këtu sepse ky është vendi më i shenjtë i Elbasanit. Siç e thatë dhe ju gjithmonë keni ngrohtësinë tonë, gjithmonë keni mbështetjen tonë”, ishin fjalët e At Nikollës për Ballën.
