Newsbomb.al zbardh debatin dhe përplasjet e ndodhura mbrëmjen e djeshme në Partinë Demokratike të Vlorës. Shkak, është bërë një mbledhje e drejtuesit politik të PD në Vlorë, Bujar Leskaj, me një pjesë të strukturave.
Mësohet se kryetari i PD-së së Vlorës Genc Deromemaj, ka kërkuar “shpjegime” nga Bujar Leskaj se përse asnjë emër nga strukturat e kësaj force politike nuk ishte në listat e kandidatëve për deputetë. Pas publikimit të listës zyrtare, Deromemaj ka folur dhe me Bashën.
Vetë Genc Deromemaj ka bërë të qartë se ai nuk ka pasur asnjë pritshmëri për të qenë në listën e sigurt të deputetëve të PD në Vlorë, por ka kërkuar llogari se përse asnjë anëtar i strukturave në qytetin bregdetar nuk ishte në pjesën kryesore të listës, te emrat e sigurt për deputetë, mëson newsbomb.al.
I pari i listës së PD në Vlorë, Bujar Leskaj, ka mbeldhur dje një pjesë të strukturave, bashkë me ish-zv.drejtorin e Përgjithshëm të Policisë së Shtetit, Agron Kuliçaj. Pas mbledhjes, Leskaj ka debatuar me Deromemajn dhe nga inati ka fikur celularin.
Kjo ka bërë që kryetari i PD-së së Vlorës Genc Deromemaj, të niset me urgjencë në mes të natës në Tiranë, drejt e në selinë blu. Aty, Deromemaj është takuar me Lulzim Bashën dhe e ka njohur me gjithë situatën e krijuar në Vlorë, shkruan newsbomb.al. Pas takimit me kryedemokratin në Tiranë, duket se përplasjet mes Leskajt dhe Deromemajt janë sqaruar.
