Pasditen e djeshme i deleguari politik Damian Gjiknuri ka mbledhur asamblenë e Partisë Socialiste në Vlorë, ku ka prezantuar kandidatët për deputetë në këtë qark me zonat ku do të punojnë.
Gjiknuri mësohet se ka lexuar një letër mesazh nga kryeministri Edi Rama, i cili ka surprizuar të pranishmit në sallë, ku shkruhej se ish-kryebashkiaku Dritan Leli nuk do të jetë më pjesë e fushatës së PS-së në Vlorë.
Mësohet se në letrën e dërguar nga kreu i qeverisë, është thënë se Dritan Leli është i lirë të ndjekë privatisht fushatën, apo ndonjë kandidat për deputet që ai mbështet.
Letra është lexuar nga i deleguari politik Damian Gjiknuri përpara asamblesë në Teatrin ‘Petro Marko’, mbledhje e cila është zhvilluar me dyer të mbyllura.
Shqiptarja.com
