Brazili është përfshirë nga një kolaps historik i shërbimit shëndetësor. Njësitë e kujdesit intensiv në spitale po ezaurohen, ky është paralajmërimi që ka bërë instituti kryesor shëndetësor në vend, Fiocruz. Njësitë Covid-19 në të gjithë vendin, përveç dy prej 27 shteteve të Brazilit, janë me ose mbi 80% të kapacitetit të ezauruar sipas Fiocruz.
Në shtetin Rio Grande do Sul nuk ka fare shtretër të kujdesit intensiv. Paralajmërimi vjen në një kohë kur vendi ka regjistruar numrin më të lartë të vdekjeve ditore. Të paktën 2,841 viktima u regjistruan në 24 orë.
Kjo shifër është tejet serioze krahasuar me nga vlera e mëparshme më e lartë, 2,286 raste fatale që u regjistruan më 10 mars.
Në një deklaratë për mediat, Fiocruz njoftoi se situata ishte “jashtëzakonisht kritike në të gjithë vendin”.
“Analiza nga studiuesit tanë sugjeron se ky është kolapsi më i madh që ka përfshirë sistemin shëndetësor në historinë e Brazilit.”
