Mund të duket sikur aplikacione të shumta takimesh e kanë bërë shumë më të lehtë takimin me njerëz të rinj. Përveç kësaj, ju nuk keni pse të largoheni nga shtëpia për të parë se çfarë opsionesh keni. Sidoqoftë, është ende një sfidë për shumë njerëz të gjejnë “të duhurin”.
Dominik Czernia, një shkencëtar, vendosi të zbatojë një qasje shkencore për të gjetur partnerin e përsosur, sipas “Bright Side”.
Matematika mund të ndihmojë në zgjidhjen e çdo problemi që keni.
Ne shpesh marrim vendime bazuar në ndjenjat dhe emocionet tona. Megjithatë, edhe në këto dy koncepte mund të përfshihet matematika.
“Omni Calculator” është një llogaritës polak që mund t’ju ndihmojë për këtë.
Ekziston një rregull që mund t’ju tregojë se kur është koha të ndaloni së takuari njerëz të tjerë.
Rregulli përpiqet të zgjidhë problemin e zgjedhjes së kohës së duhur për të ndërmarrë një veprim të caktuar, në mënyrë që të maksimizohet një fitim i pritshëm ose të minimizohet një kosto e pritur, bazuar në ndryshoret e rastësishme. Kjo do të thotë që, e aplikuar tek takimet, rregulli do t’ju ndihmojë të kuptoni nëse personi me të cilin jeni në këtë moment përshtatet në mënyrë perfekte me ju ose nëse duhet të vazhdoni të kërkoni dikë që përputhet më mirë.
Ju mund të rrisni shanset për të përfunduar me personin e duhur.
Sipas këtij rregulli, nga numri i përgjithshëm i takimeve të mundshme që do të vazhdoni, duhet të refuzoni 37% të parat.
Për shembull, nëse po planifikoni të dilni me 35 persona gjatë gjithë jetës tuaj, duhet të refuzoni 12 të parët. Hapi tjetër është të zgjidhni personin tjetër që është më i mirë se kushdo që keni takuar më parë. Kjo qasje do t’ju japë një shans më të lartë për të takuar personin e duhur për ju.
Dëgjoni intuitën tuaj dhe mos e humbni shpresën.
Sigurisht, nuk ka asnjë mënyrë për të ditur numrin e saktë të personave me të cilët do të dilni në takim gjatë jetës tuaj. Sidoqoftë, qëllimi i këtij llogaritësi është të inkurajojë njerëzit që të mos dorëzohen shumë shpejt.
Hulumtimet kanë treguar se, kur njerëzit marrin vendime, ata priren të ndalen më herët sesa parashikohet nga rregulli i ndaljes optimale. Kjo mund të nënkuptojë zgjedhjen e një kandidati më pak të kualifikuar në një intervistë për punë, ose pagimin e më shumë parave për një produkt që mund ta gjejmë për një çmim më të lirë nëse vazhdojmë të kërkojmë.
Sidoqoftë, ky llogaritës nuk është 100% i saktë, edhe nëse do të kishte një mënyrë për të mësuar numrin e njerëzve me të cilët do të dilni gjatë jetës tuaj.
Është plotësisht e mundur që ju të takoni shpirtin binjak në takimin e parë. Dhe nëse do të ndiqnit këshillat e llogaritësit, do t’i refuzonit ato dhe çdo kandidat tjetër nuk do të ishte aq i mirë sa i pari. Pra, në tërësi, është e rëndësishme të dëgjoni atë që zemra juaj po ju thotë, por edhe të mos humbni shpresën nëse keni kërkuar personin e duhur për një kohë të gjatë dhe akoma nuk e keni gjetur. /panorama
