“La petite mort”, nga frengjishtja: Vdekja e vogël, është një shprehje që do të thotë “humbje ose dobësim i shkurtër i vetëdijes/koshiencës”. Përdorimi i parë për të nënkuptuar “orgazmën”, mendohet të jetë bërë për herë të parë në 1882. Sot, përdoret dhe për të përshkruar “gjendjen pas-orgazme të pavetëdijes që disa njerëz kanë pas disa përvojave seksuale”.
Spekulimet për origjinën e saj janë disa:
– Besimi greko-romak se sekretimi i tepërt i lëngjeve trupore do të çonte në vdekje.
– Referenca islamike që përshkruajnë gjumin si “vdekje e vogël” etj.
Kuptimi shpirtëror/filozofik i “vdekjes së vogël”
Filozofët kanë sugjeruar që kjo thënie flet për “humbjen psikologjike” që pësohet pas seksit. Ideja qëndron tek fakti që orgazma nuk shkakton vetëm një çlirim fizik, por edhe një çlirim shpirtëror. Të tjerë argumentojnë se “la petite mort” i referohet diçkaje më të mirëfilltë: Ideja se një orgazmë na sjell pak më afër vdekjes. Sigurisht, lidhja kulturore midis vdekjes dhe seksit ekzistonte shumë përpara se “la petite mort” të hynte në leksikun francez.
Aristoteli besonte se orgazmat i bënin gratë të paafta për të mbajtur fëmijë. Gjatë historisë, nga koha mesjetare deri në epokën viktoriane, mjekët kishin frikë se forca jetësore e dikujt mund të “konsumohej” duke bërë seks. Fatmirësisht, asnjë nga këto besime nuk doli të jetë e vërtetë.
“Vdekja e vogël” në fakt , është një provë e bukur që jemi ende gjallë, në çdo kuptim! /Anabel/
