Kryeministri Edi Rama ndodhet në Shkodër ku po zhvillon një bashkëbisedim me qytetarët, ndërsa po prezanton edhe kandidatët e këtij qarku.
Rama pranoi se ka një një “frymë antikomuniste” në Shkodër, por kryeministri u shpreh se “frymë po mban peng qytetin”.
“Bashkia është shembulli më drithërues i injorancës dhe prapambetjes duke shkuar qorrazi drejt të ardhmes. I kemi ardhur rrotull, kemi ndërtuar rrugën Shkodër- Velipojë, premtim i PD dhe e ndërtuam ne. E ndërtuam sepse s’kishim nevojë të merrnim leje në Bashki. Edhe me stadiumin e ri. Ata duan ta mbajnë Shkodrën në këtë gjendje sepse në këtë gjendje mbretërojnë pa probleme. Ushqejnë përçarjen, duke nxitur urrejtjen dhe për të thyer xhama e për të thirrur: Poshtë Komunizimi. Komunizimi ka vdek’! Nuk kthehet më. Dhe i vdekur mban peng vetëm një vend; Shkodrën. Mbajnë peng gjithë miletin. Kur ia jep votën një idioti, je peng i tij. Shkodra ka mbetur peng i idiotsive prej 30 vitesh. Komunizmi ka vdek’ dhe rri gjallë si fantazmë. Kanë shpikur luftë imagjinare. Luftojnë me mullinjtë e erës. Këta shohin interesat e tyre. Asaj kryetares nuk i prishet terezia sa ça ndodh me plerat. Është qyteti më i pistë në Shqipëri.“, tha Rama.
Kryeministri nuk hezitoi të sulmoi kryebashkiaken e Shkodrës, me të cilën duket se I ka ngecur “sharra në gozhdë”.
“Këtu në Shkodër ka qenë një dorë shumë e mbrapshtë në shumë vite duke e bërë që të jetë më e prapambetur në krahasim me qytete të tjera. Në Tropojë ne kemi bërë punë shumë të bukura dhe jo vetë në Tropojë.
Këtu në Shkodër për fat të keq na ka ngecur sharra në gozhdë, pasi këtu gozhda është njëlloj gozhde që nuk ka sharrë që i bën derman është njëlloj gozhde e ngulur prej 30 vjetësh në tru që e than trurin e njeriut të kthyer në tifoz, të PD-së duke i dhënë besim pa kushte e pa kushte pavarësisht se hendeku i prapambetjes thellohet në krahasim me të tjerët.’- tha Rama./GSH
