Një ngjarje e rëndë ka ndodhur në maternitetin e Fierit. Një grua nga Mallakastra ka humbur jetën gjatë lindjes së fëmijës së saj.
Bëhet fjalë për 31-vjeçaren Elisabeta Lamaj, e cila sapo kishte bërë spinalen, ishte ndjerë keq dhe kishte ndërruar jetë. Të gjendur në këto kushte mjekët kishin ndërhyrë për të shpëtuar fëmijën.
Përmes operacionit u bë e mundur shpëtimi i foshnjës, një vajzë. Pasi u përballën me lajmin e hidhur, familjarët e viktimës kanë hedhur akuza të forta ndaj mjekëve të spitalit të Fierit, ndërsa kanë bërë denoncim në polici. Pritet që prokuroria të nisë hetimet. Mësohet se viktima ishte në pritje të bëhej nënë për herë të dytë.
