Politika dhe qytetarët që i rrinë larg tensionit

113 563 lexime

106,048FansaPëlqeje

Nga Plator Nesturi

 

Ndërsa po shkojmë drejt 10 ditëshit të fundit përpara votimit të 25 prillit, fushata që shoqëron këto zgjedhje vijon me çuditë e veçantitë e saj. Ka tension dhe hera herës agresivitet, ka dhe programe apo platforma elektorale, çka në dukje të parë ia ka të gjitha elementët. Por gjithësesi, asgjë çfarë ka nxjerrë maxhoranca dhe opozita nuk ballafaqohen me njëra-tjetrën. Në këtë aspekt, të dyja palët duken si dy ushtri të nisura në betejë, por që nuk gjenë dot njëra-tjetrën për tu ndeshur. Sokëllima e secilit vërtiten nëpër Shqipëri nëpër takime elektorale, ku gjithshka i ngjan tjetrës dhe ku asgjë nuk pritet se do ndodhë. Qoftë edhe në 25 prill. Çështja nuk është te platformat elektorale dhe as te programet ekonomike të partive. Në fakt ato bëhen, qoftë edhe formalisht. Mangësia qëndron se këto platforma apo programe nuk arrijnë të ballafaqohen me njëra-tjetërn. Nuk ka një grup ekspertësh që të kenë siguruar reputacionin e paanësisë për të gjykuar me analizat e tyre se cilat janë avantazhet e njërit dhe gabimet e tjetrit, sa të realizueshme janë apo sa demagogji ka në to. Përgjithësisht, të dyja palët, venë në angazhim ekpertët që kanë pranë tyre për të mbrojtur programet përkatëse dhe për të goditur ato të kundërshtarëve. Gjithashtu, ajo çfarë u mungon fushatave tona është dhe mungesa e ballafaqimit të drejtpërdrejtë në studio të dy pretendentëve për kryeministër.  Kjo gjë nuk po arrihet të bëhet normë, dhe debati midis tyre vijon nga të njëjtat llogore politike ku shigjetojnë njëri-tjetrin. Figurat politike, ndërsa bëjnë fushatë tentojnë ta drejtojnë leksikun e tyre drejt temave që u interesojnë. Çështjet sensitive si temat mbi ekonominë, rendin, drejtësinë, etj dhe që u interesojnë qytetarëve, nuk arrijnë të imponohen nga vetë qytetarët që të elaborohen. Nëse një takim elektoral mbahet vetëm duke iu drejtuar militantëve, natyrshëm që këto çështje nuk do të shtrohen dhe as do të ceken. Ajo çfarë vërehet deri tani është se partitë ende nuk kanë zbritur tek qytetari i thjeshtë, tek ai që vendos shumicën. Partitë janë ende duke u marrë me militantët për mibilizim forcash në zgjedhje dhe kjo do të ketë shenjat e veta. Kështu në të gjitha sondazhet vërehet se ka një numër të madh të atyre që shprehen se nuk do të marrin pjesë në zgjedhje, çka do të thotë një pjesëmarrje më e ulët se e dy zgjedhjeve rradhazi të kaluara. Dhe kjo ndodh pikërisht se liderët politikë nuk arrijën të gjejnë gjuhën dhe të prekin temat që u intereson kësaj kategorie qytetarësh që i rrinë larg tensionit politik.


Të fundit

Pamje të rënda/ I burgosuri dhunon brutalisht gardianen e burgut (Video)

Një gardiane burgu femër, në Los Angeles County, është sulmuar brutalisht nga një i burgosur, i cili, i kërkoi...

Media në zi! Ndahet nga jeta gazetarja e njohur (Foto)

Një prej emrave të njohur të gazetarisë shqiptare, Dashuri Murati është ndarë nga jeta ditën e djeshme, si pasojë e një sëmundje të rëndë. Dashuri...

Vrau gruan në sy të djalit sapo doli nga gjykata, jepet vendimi për burrin ish-polic

Gjykata e Elbasanit vendosi “arrest me burg” për 58-vjeçarin Koço Buzo, i cili dy ditë më parë ekzekutoi bashkëshorten e tij, Liljana Buzo. Krimi i...

“Më vuri thikën në…”/ Shkon të tërheqë para në bankomat, i riu kërcënon gruan: Lekët ose të vrava

Një grua ka denoncuar në policinë e Sarandës një person duke deklaruar se e ka kërcënuar me jetë për t’i marrë paratë. Ngjarja ka...

Mbledhja e parë e Komisionit Hetimor për shkarkimin e Metës/ Miratohet plani paraprak i hetimit

Komisioni Hetimor zhvilloi mbledhjen e parë ditën e sotme për të hetuar shkeljet kushtetuese të kryera nga presidenti Ilir Meta. Mbledhja u zhvillua në ambientet...

Lajme të tjera

Web TV