Geron Husi është një nga mjekët e njohur, i cili humbi jetën si pasojë e Covid-19. Miq dhe familjarë e përshkruajnë atë me fjalët më të mira për punën e palodhur dhe përkushtimin ndaj çdo pacienti.
Pak kohë pas ndarjes nga jeta, në pjesën e jashtme të spitalit ku Husi punonte, do të hijeshojë një pemë ulliri, me një mbishkrimin të skalitur në një pllakë druri, ku shkruhet “Dr Geri, gjithmonë midis nesh”.
I pranishëm gjatë një përkujtimi për mjekun, ishte edhe babai i Dr. Gerit. Mes lotësh, ai i bëri thirrje shtetit që gjithë mjekët të shpallen ‘heronj’, ndërsa ata që kanë humbur jetën dëshmorë të atdheut. Sipas tij, ata kanë rënë në një luftë dhe si të tillë duhet të vlerësohen.
