Nga Morena Boja
Ky artikull ka si synim informimin e të rinjve për përdorimin dhe punësimin në platformat online si një mënyrë e mirë punësimi dhe me të ardhura relativisht të larta pasi tregu i punës është global dhe blerësit e shërbimit pothuajse në të gjitha rastet janë nga vende të zhvilluara me aftësi të lartë paguese dhe freelancer-i e shet shërbimin e tij me çmimin e tregtimit të shërbimit në tregun Europian apo edhe më gjërë dhe jo me çmimin qe ky shërbim shitet në Shqipëri.
Zhvillimi teknologjik, dixhitalizimi i komunikimit ka çuar në shfaqjen e modeleve të reja të decentralizuara të punës. Një formë shumë e mirë punësimi janë platformat online të cilat vitet e fundit po fitojnë goxha popullaritet. Këto platforma të pavarura të njohura si “Freelancer”, përputhin aftësitë e fuqisë punëtore me kërkesën e blerësve por në këtë rast nuk kemi kufizime gjeografike të ofrimit të shërbimit mjafton që kërkuesi dhe ofruesi i shërbimit të jenë të regjistruar në një nga platformat online.
Në platformat online personi që “kontraktohet” për kryerjen e shërbimit zgjidhet nga blerësi në varësi të disa parametrave ku me kryesori është “rating” ose e thënë ndryshe vlerësimi që kanë lënë blerësit e mëparshëm që kanë marrë shërbime prej tij.
Punët e postuara në platformë përfshijnë një gamë të gjerë të shërbimeve si: web, asistencë për aparate celular dhe software, interior dizajn, krijimin e video-ve dhe animacione, social media manager, përkthim, mbështetje administruese, kontabilitet dhe këshillim, shkrim të artikujve të ndryshëm, shërbim ndaj klientit etj.
Sapo një klient poston një punë, hapet një vend pune i krijuar, i cili zakonisht tregon emrin dhe llogarinë e klientit që e kërkon këtë shërbim, përshkrimin e punës, kërkesat dhe afatin e caktuar dhe buxhetin që ai ka në dispozicion. Çdo profesionist i pavarur mund t’i paraqesë klientit një propozim për të bërë ofertën për vendin e punës.
Pasi klienti zgjedh një profesionist të pavarur, puna plotësohet dhe një kontratë shërbimi (referuar si detyrë pune) krijohet ndërmjet tyre. Kjo “kontratë ” pune mbetet aktive derisa të dy palët të bien dakord ta mbyllin atë. Çmimi që klienti paraqet në ofertën e tij është i ndryshueshëm në varësi të shërbimit të ofruar. Pasi palët komunikojnë dhe bejnë vlerësimin e përbashkët të shërbimit, bien dakord për një çmim final dhe ofruesi i shërbimit i dërgon blerësit ofertën me çmimin final.
Në figurën e mëposhtme tregohet marrëdhënia mes blerësit dhe freelancer-it
Nga njëra anë kemi klientin dhe nga ana tjetër “freelancer”, personi që ofron kryerjen e shërbimit. Hapat në të cilat kalon marrëveshja klient – freelancer tregohen në figurën e mësipërme. Që të krijohet një marrëveshje klienti duhet të bëjë një kërkësë më pas freelancer dorëzon aplikimin, klienti mund të marrë oferta pa limit nga freelancer të ndryshëm për aq kohë sa publikimi i tij qëndron i dukshëm në platformë.
Klienti bën analizimin e ofertave të marra intervista me aplikuesit e më pas kalon në proçesin e rekrutimit dhe krijojnë një marrëveshje ndërmjet tyre, freelancer punon për projektin e marrë duke respektuar afatet kohore të përcaktuara në marrëveshje, dorëzon punën, merr pagesën sepse për aq kohë sa projekti nuk është dorëzuar pagesa është e pezulluar llogaritet si e ardhur e mundshme në llogarinë e shitësit “freelancer” në momentin që klienti mbyll marrëveshjen dhe pranon shërbimin e dërguar atëherë freelancer ka në llogarinë e tij paratë. Më pas secili prej tyre lë një review për bashkëpunimin ndërmjet tyre.
Por vlerësimi që bën klienti për ofruesin e shërbimit është shumë i rëndësishëm. Gjithashtu blerësi i shërbimit ka disa ditë kohë në dispozicion që të ankohet ose të anullojë shërbimin e marrë, sapo skadon koha që ka në dispozicion për ankesa apo shprehjen e papëlqyeshmërisë së shërbimit të marrë shuma e parave kalon automatikisht nga llogaria e shitësit në pltaform tek llogaria bankare ose Pay Pale ofruesit të shërbimit.
Të gjitha platformat freelancer taksojnë si ofruesin e shërbimit ashtu dhe blerësin e shërbimit. Projektet e anulluara nuk përfshihen tek historia e punës. Vlersimet që shfaqen në llogarinë personale të freelancer janë të lëna nga klientë të cilët kanë marrë shërbimin, vlersimi është i shkallës 1-5, sipas elementëve të mëposhtëm.
Qartësi në shpjegimin e shërbimit ⭐⭐⭐⭐⭐
Komunikimi ⭐⭐⭐⭐⭐
Pagesa ⭐⭐⭐⭐⭐
Profesionalizmi ⭐⭐⭐⭐⭐
Sa e rekomandoni shitësin e shërbimit ⭐⭐⭐⭐⭐
Një vlersim i mirë ndihmon shitësin e shërbimit të zhvillohet dhe të kontaktohet më shumë, pasi platforma i jep gjithmonë përparësi dhe rëndit më lart ato që kanë një vlersim më të lartë “rating”.
Një vlersim i ulët poshte 4.0, ul besueshmërinë e shitësit tek klientët e mundshëm.
Edhe pse platformat online të punësimit janë një alternative e mirë pune për profesioniste të fushave të ndryshme në Shqipëri janë shumë pak të zhvilluara. Ato njihen pak dhe vetëm nga një target grup i vogël.
Artikull ka si synim informimin e të rinjve për përdorimin dhe punësimin në platformat online si një mënyrë e mirë punësimi dhe me të ardhura relativisht të larta pasi tregu i punës është global dhe blerësit e shërbimit pothuajse në të gjitha rastet janë nga vende të zhvilluara me aftësi të lartë paguese dhe freelancer-i e shet shërbimin e tij me çmimin e tregtimit të shërbimit në tregun Europian apo edhe më gjërë dhe jo me çmimin qe ky shërbim shitet në Shqipëri.
Në platformat e punësimit online mund të ofrohen fare mirë dhe shërbime marketingu të cilat në Shqipëri kërkohen apo janë të zhvilluara vetëm në bizneset e mëdha, ndërkohë në botë bizneset e vogla investojnë në marketing-un e rrjeteve sociale dhe këtë shërbim e marrin pikërisht një platformat online. Nëse jeni profesionist në një shërbim të caktuar mund ta ofroni atë fare mirë në platformat online.
Hapja e një llogarie si freelancer është një procedurë shumë e thjeshtë, mjafton një llogari bankare e lidhur me kartë, pay pal account dhe një anglishte në një nivel mesatar dhe ju bëheni pjesë e tregut dixhital të punës.
Në kete menyre rrisni te ardhurat personale, keni kontakte me bleres nga e gjithe bota, perfeksiononi shume mire nje gjuhe te huaj, zhvilloni dhe mesoni praktika multinacionale pune dhe nje kulture pune ndryshe.
