Mori rezultatin surprizues/ Tom Doshi shfaqet papritur dhe jep mesazhin e fortë

113 563 lexime

106,048FansaPëlqeje

Pas rezultatit të bujshëm që mori në zgjedhjet e 25 prillit, Tom Doshi ka reaguar mbrëmjen e djeshme dhe ka falenderuar të gjithë mbështetësit e partisë së tij.

PSD u rendit forcë e katërt në rang vendi dhe moti tre deputetë në Parlamentin e ri.

Mesazhi i plotë i Tom Doshit, PSD:

Të dashtun vëllezën, miq, mbështetës të Partisë tonë,  Po ju shkruj sot këtu për me ju falenderu. Keni pasë besim tek un dhe sot atë besim mundem me ju thanë se jua kam kthye në fitore. Un jam i realizuem në jetë, familja, miqt, bajnë që të ndihem nji njeri i realizum, pranej këtë fitore un jua kam kushtu vetëm ju që keni pa tek un nji shpresë për të ardhmen tuj.

35 mijë vota në të gjithë Shqipninë nuk janë pak. Mundena me thanë, kundër të gjitha gojëve të liga se në Shqipni ka 35 mijë vetë që kanë shpresë se PSD dhe Tom Doshi do ta çojnë zanin për ta në Parlament dhe do të mbrojnë interesat e tyne.

Nuk jam impenju asnjiherë për projekte te medhaja e te parrealizushme, kam premtu gjana të vogla, ato gjana me të cilat asht e mbushun përditë jeta jonë, dhe vetëm ato gjana jam mundue me i zgjidhë, në kohë, pa sorollatje kote e tu iu pa të gjithëve si miq e jo si votues e si numra.

Ju e dini mirë se i kam hy kësaj rruge i vetëm, pa struktura, pa militanta, pa patronazhista e sot ne kena tre deputetë në Parlament, kena nji ekip të rinjsh që punon me përkushtim.  Tom Doshi ia ka arritë qëllimit, nuk du asgja tjetër: më keni besu dhe sot fitorja asht e juja. Falë nji pune kolosale jena ma të fortë se para 4 vjetësh.

Lexo edhe :  "O Berisha në Parlament, ose..."/ Kreshnik Spahiu bën parashikimin pas vendimit të DASH

Ju e dini mirë se nuk jam ndalë asnji ditë, kam shetitë katunde e qytete, fshatna të thellë malorë, kam takue mijera e mijera njerëz. Mundem me ju sigurue nji gja: edhe në mos ia paça zgjidhë problemet secilit prej tyne, ta dini që hallet e tyne kanë depërtue në zemrën teme e ajo çka baj përditë në politikë asht e ndikume vetëm prej tyne.

Kajherë jam i rrëmbyem, por mbrenda vedit kam respektin ma të madh për të gjithë ata që punojnë, vuejnë, shpresojnë dhe më kanë mbështetë me votën e tyne.

Ashtu siç asht në karakterin tem – asnji prej tyne nuk do të jetë qytetarë i klasit të dytë për Tom Doshin dhe PSD.  Kjo fitore të dashtun vëllezen asht kryekreje e juja, mandej asht e Shqipnisë, pse rruga jonë asht integrimi në Europë dhe mirëqenja ekonomike. Ju falenderoj me zemër: jam i jueji e jeni te mijtë!


Të fundit

Punonjësi i Ujësjellësit të Delvinës gjendet i pajetë në vendin e punës, ja për çfarë dyshohet

Një punonjës i Ujësjellësit të Delvinës është gjetur i pajetë në mjediset e punës. Bëhet fjalë për shtetasin Luan...

Ndryshon ligji, të dëmtuarit nga aksidentet mund t’i drejtohen vetë kompanive të sigurimit

Autoriteti i Mbikëqyrjes Financiare ka nxjerrë për konsultim publik tre modelet e policave të reja të sigurimit të detyrueshëm, në zbatim të ligjit të...

Berisha “non grata”/ Rama reagon për herë të parë: E kanë kthyer jetën politikë në një telenovelë

Kryeministri Edi Rama ka qenë sot në sheshin “Skënderbej”, bashkë me ministren Ogerta Manastirliu për të folur për situatën e pandemisë në vendin tonë. Gjatë...

Iu qëndron magneti në krah pas vaksinës? Ministria e Shëndetësisë reagon pas videove shqetësuese të qytetarëve

Qytetarët nga Kosova dhe jo vetëm, kanë filluar të shprehin një shqetësim aspak të zakonshëm pas marrjes së vaksinës për Covid-19. Ata po thonë...

Rama flet për lehtësimin e masave: Jemi në një situatë optimale

Kryeministri Edi Rama ka folur sot për lehtësim të masave anti-covid, teksa bëri sërish apel për kujdes. Teksa ka parë nga afër procesin e...

Lajme të tjera

Web TV