SHBA iu deshën dhjetë vjet për t’i “dhënë fund” njeriut më të kërkuar, Osama bin Ladenit. Pas sulmit në Kullat Binjake të 11 shtatorit 2001, Osama bin Laden u bë armiku publik numër 1, por ai gjithmonë arrinte të shpëtonte nga armiqtë e tij të fuqishëm.
Në vitin 2010 u zbulua se ai ishte fshehur në qytetin Abbottabad, 60 kilometra larg Islamabadit, në Pakistan, pas përgjimit të një telefonate të bërë nga i dërguari i besuar i kreut të Al Kaidës, Abu Ahmed al Kuvajtit.
Kur identiteti i tij u konfirmua, Presidenti Obama autorizoi operacionin për eliminimin e tij, (Operacioni Gerónimo), i udhëhequr nga CIA dhe i kryer nga anëtarët e forcave speciale të Marinës SEAL.
Gazetari investigativ Seymour Hersh ka mbrojtur teorinë alternative se një oficer i inteligjencës pakistaneze informoi në këmbim të 25 milionë dollarëve dhe se autoritetet në Islamabad, nisur edhe nga shëndeti i dobët i Bin Laden, nuk bënë asgjë për të parandaluar atë.
Osama Bin Laden la pas qindra sulme, mijëra vdekje, katër gra dhe nëntëmbëdhjetë fëmijë. Trashëgimia e tyre jeton, terrorizmi xhihadist vazhdon të marrë jetë siç dëshmohet nga vrasja e dy gazetarëve spanjollë në Burkina Faso më 26 mars.
