Porti i Durrësit është bllokuar ditën e sotme nga prania e ushtarëve amerikanë dhe automjeteve ushtarake.
Kjo për shkak se në qytetin bregdetar po zhvillohet stërvitja e përbashkët “Defender Europe 21”, në kuadër të NATO. Në stërvitje do marrin pjesë rreth 28 mijë trupa nga 26 vende aleate dhe partnere.
Shqipëria do të jetë një nga 16 vendet që do të mirëpresin zhvillimin e kësaj stërvitjeje ushtarake, e cila ka për qëllim ndërveprimin e aleatëve dhe reagimin në raste krizash.
