‘Më goditi, më tha do të thyej kockat’/ Po e orientonte me rrugët, plas keq mes taksistit dhe klientit

113 563 lexime

106,048FansaPëlqeje

Stresi që sjell trafiku në Tiranë hap sherre dhe konflikte nga më të pabesueshmet. Deri tek konfrontimi mes një taksisti që duhet ta çonte sa më shpejt në destinacion një qytetar, me të cilin u grind pasi ky i fundit i jepte pa pushim sugjerime se nga të kalonte për të shmangur radhët e gjata.

Në një moment shoferi është nxehur dhe duke i rënë timonit i ka kujtuar klientit piktor se nuk ka asnjë shans që ai ti mësonte rrugën ndaj duhet t’i zbriste nga makina. Çështja nën hetim nga policia u hap nga denoncimi i E.B, i cili denoncoi për humbje kohe shërbimin e taksive që sipas tij nuk përmbushi detyrën për ta dërguar atje ku ai kishte punë.

“Jam paraqitur sot para jush për të bërë ankim ndaj shërbimit të taksive, pasi shoferi i tyre nuk më çoi në destinacion”, ka kallëzuar E.B.

Shtetasi në fjalë i thotë policisë se si e mori taksinë pranë kopshtit të Botanikës dhe se duhet të shkonte pranë Liceut Artistik.

“Ai mori drejtimin e gabuar dhe e kujtova që duhet të ndryshonte drejtim. Pastaj e morën në telefon dhe filloi të fliste në telefon. Sapo mbylli telefonin më tha zbrit nga taksia,”shtoi ai. Piktori i thotë policisë se në këtë agjenci taksish ishte klient prej 10 vitesh.

“I mora në telefon për t’iu treguar, por ky person më goditi. Më tha do të thyej kockat. Ai ishte i dehur dhe mbante erë alkool. Më dëmtoi pikturën dhe telefonin dhe ky person duhet të mbajë përgjegjësi për veprimet e kryera gjatë ushtrimit të detyrës”, këmbëngul në polici piktori.

Policia i tha Gazetasi.al se kërkoi paraqitjen në komisariat të taksistit me inicialet I.K. Ai tregon një version krejt tjetër duke fajësuar klientin që sipas tij ishte fyes, acarues dhe tekanjoz.

“Personi në fjalë ishte rreth 35 vjeç. Sapo mbërrita në vendin ku më tha në telefon agjencia, filloi të më kërkojë llogari se përse isha vonuar. U mundova ta sqaroj por ai vetëm bërtiste dhe nuk e zgjata më shumë diskutimin me të” shpjegoi i akuzuari.

Lexo edhe :  Punëtori bie nga skela, arrestohet pronari i objektit në Kamëz

Taksisti që ja vë fajin nervave të klientit dhe trafikut të rënduar shton në vazhdim,– “më kërkoi ta çoja pranë Liceut Artistik. Rrugës më kërkoi të nxitoja, të kaloja në korsi tjetër, të prisja krahun. Por unë në zbatim të rregullave të qarkullimit vijoja në korsinë time, ky person që për mendimin tim ishte agresiv hapi derën dhe zbriti nga makina pasi po bëja lëvizje të ngadaltë nga trafiku. Frenova nxitimthi dhe dola nga makina. E pyeta ç’po bën?, por ai fliste në telefon dhe ndërkohë nisi të më shajë,”-shpjegoi ai.

Taksisti këmbëngul se e paralajmëroi klientin ose të hipte në taksi, ose ti paguante paratë për rrugën që kishin bërë.

“I thashë të shkonte ku të donte, por duhet të më paguante, por ai përgjigjej,-“ nuk t’i jap”. Në këtë moment këtij personi i ra një zarf që e kishte future nën sqetull, vrapova dhe e mora dhe për gjithçka ndodhi njoftova në telefon kompaninë”- mbyll qëndrimin e tij i denoncuari.

Sipas policisë nga verifikimet e mëpasshme pranë kompanisë së taksive, rezulton se shoferi ka paguar nga xhepi 2500 lekë, të shërbimit të kësaj dite kur ngeci në trafik dhe klienti nuk e pagoi. Policia shton për Gazetasi.al se nisur nga ky kallëzim vërehet se nuk ka vepër penale, por ndërkohë i kanë propozuar klientit artist se nëse ai ka pretendime për shkaktim të dëmit nga humbja e kohës, mund ti drejtohet gjykatës civile.

“Pavarësisht këtij propozimi që i paraqitëm 35 vjeçarit , që nga ana e tij e nisi konfliktin pasi i propozoi shoferit ndryshim korsie. Ne do t’i referojmë këto materiale në prokurori dhe është prokuroria që vendos se si do të veprojë më tej”, tha një nga agjentët që pyeti palët e kreu veprime paraprake duke shënuar në fund të çështjes “për vlerësim”.


Të fundit

Ky është 58-vjeçari Koço Buzo i cili ekzekutoi gruan dhe plagosi dy të tjerë

Ky që shihni në këtë foto është 58-vjeçari Koço Buzo autori i cili vrau gruan e tij në Elbasan. Ai...

Krimi në Elbasan/ Gjyqtarët panë ngjarjen nga dritarja! Autori e goditi me armë dhe shkelma

Krimi i rëndë në Elbasan, ka shokuar gjyqtarët e prokurorët e këtij qyteti, pasi një ish-punonjës policie Koço Buzo, ka qëlluar me 7 plumba...

Ministrat e jashtëm të G7 për Ballkanin: Mbështesim hapjen e negociatave me Shqipërinë

Në komunikatën e sotme të takimit mes ministrave të jashtëm dhe ministrave të zhvillimit të shtatë vendeve më të industrializuar të botës një vend...

Skandal/ Kim Kardashian përfshihet në një vjedhje ndërkombëtare rreth 745,000 dollarë

Ylli Kadashianëve, Kimështë përfshirë në një skandal, për vjedhje. Mediat shkruajnë se një skulpturë romake ka mundësi që të jetë vjedhur nga Italia. Mediat...

Sapo dolën nga seanca gjyqësore, burri 7 plumba nga kallashnikovi! Vret gruan, plagos avokatin dhe policin

Ish-polici Koço Buzo ka qëlluar më kallashnikov jo vetëm gruan e tij që e la të vdekur në vend por edhe avokatin e gruas...

Lajme të tjera

Web TV