Blendi Klosi shquhet për qetësinë e tij në studiot televizive edhe kur ngacmohet nga gazetarët. Gjatë emisonit “Dekalog” të gazetarit Roland Qafoku në RTSH 24 Klosi u pyet nëse kundërshtari i tij i PD në qarkun e Beratit Tomorr Alizoti e kishte uruar për fitoren ose kishte përsëritur skenën si zonjat Anila Denaj dhe Ina Zhupa në Sarandë, të cilat përqafuan njëra-tjetrën.
Klosi u “ndje” i mërzitur duke thënë se nuk e kishte patur atë fat. Më poshtë biseda që në studio u shoqërua me të qeshura.
A ju mori në telefon zoti Alizoti për tu uruar fitoren?
Nuk pata fare kontakt. Në fakt unë nuk kam ptur fare kontakt me Alizotin. Nuk kam patur kontakte të mëparshme. Kam bërë kontakte me përfaqësues të LSI sepse kisha njohje të mëpërshme.
Sa mirë do ishte të komunikonit si fjala vjen rasti i Sarandës kur Anila Denaj u përqafua me Ina Zhupën. Ju do donit ?
Nuk para fatin e madhe të përqafohesha.
Doje të përqafoheshe?
E përqafoj sepse nuk kam ndonjë problem të madh.
