Në faqen e Tatimeve është publikuar në datën 14 Maj 2021 certifikimi i BNT Electronics: “Prodhuesi i zgjidhjes software-ike për regjistrimin e pagesave pa para në dorë të faturave elektronike”. Ky certifikim i hap rrugën Bankave dhe Institucioneve te ndryshme financiare që të përdorin platformën e DPT të mbështetur në Ligjin e ri te Fiskalizimit për transmetimin në kohë reale të transaksioneve. Sipas informacioneve që vijnë nga Tatimet, procesi i marrjes së kësaj license ishte i vështirë dhe kërkonte angazhim të grupit të zhvilluesve të kompanisë të licensuar por edhe të grupit të certifikimit. Bankat dhe Institucionet financiare janë të detyruara të zbatojnë në një kohë të caktuar implementimin e këtij sistemi.
