Barcelona i ka ofruar Lionel Messit një kontratë të re, me atë aktualen që skadon më 30 qershor.
Klubi katalanas ka vendosur që të mos presë rezultatet e auditimit që Joan Laporta porositi kur ai mori detyrën dhe i kanë paraqitur një ofertë Messit.
Por sipas TV3, Messi nuk do të përgjigjet derisa të jetë në dijeni të planeve të Barcelonës për sezonin 2021/22.
Messi aktualisht është ni angazhuar me Argjentinën teksa kombëtarja Albiceleste vazhdon përgatitjet përpara Copa America që zhvillohet këtë verë. Ky mund të jetë një shans për 33-vjeçarin nderojë dhe udhëheqë kombëtaren e tij drejt një trofeu.
Nuk duhet harruar që Messi gjithmonë ka theksuar se ai dëshiron një projekt tërheqës sportiv dhe që Barcelona të konkurrojë për trofe të mëdhenj në një periudhë afatshkurtër, kështu që nëse ai beson se është kështu, ana ekonomike do të jetë dytësore.
Laporta kishte planifikuar të priste derisa të publikoheshin rezultatet e auditimit për të kuptuar sesa të këqija janë financat e Barcelonës , me nivelin e borxhit të klubit në 1.173 miliardë euro.
Të Premten, Laporta do të paraqitet në një konferencë për shtyp dhe ka të ngjarë të japë disa detaje rreth të ardhmes së Messit .
