Është çelur sot në Tiranë Panairi “Work and Study”, i kthyer tashmë në një traditë falë organizimit nga Bashkia e Tiranës, Dhoma e Tregtisë dhe Industrisë Tiranë si dhe Ministria e Arsimit dhe Sporteve.
Në këtë panair marrin pjesë kompani, universitete si dhe institucione të ndryshme, të cilat ofrojnë vende të lira pune për të gjithë ata që janë në kërkim për stimuj të rinj.
Këtë vit ky panair u mbajt në Pedonalen e kryeqytetit dhe do të mbahet nga dita e sotme deri në datën 1 qershor.
Nga pamjet më poshtë të siguruara nga Fjala.al, shihet se që në ditën e parë, ky event ka tërhequr menjëherë vëmendjen e qytetarëve që kanë shfaqur interes.
