Detaje të reja janë zbardhur në lidhje me ngjarjen e rëndë që ka tronditur Greqinë para pak javësh dhe mbeti e vrarë 20-vjeçarja Caroline. Mediat greke kanë njoftuar se kamerat e sigurisë në zonë kanë zbuluar lëvizjen e një makine të dyshimtë dhe një motoçikletë e cila lëvizi në zonë, disa minuta pas orës 05:00 mëngjesit fatal të 11 majit.
Ishte ora 05.30 e mëngjesit dhe pak minuta më herët autorë kishin kryer krimin brutal në shtëpinë e pilotit të aviacionit civil në rrugën Panagouli. Ata i morën jetën gruas së tij e cila ndodhej pranë vajzës së tyre 11 muajshe, ndërsa morën edhe 11,000 euro dhe bizhuteritë e tyre. Në emisionin investigativ “Dritë në tunel”, një shikues dërgoi pamje të reja video, të cilat tregojnë një makinë të errët dhe një motor.
Materiali specifik është nga kamerat CCTV nga shtëpia e tij në rrugën Karaiskaki, afër shtëpisë së çiftit. Makina e errët kalon në orën 05:07 të mëngjesit të së martës së 11 majit dhe katër minuta më vonë, në 05:11, kalon motori, drejtuesi i të cilit duket se ka veshur një xhup me kapuç. Ky material do të shqyrtohet nga autoriteti kompetent policor.
