“Është i gjithi faji im”/ Zbulohet kush e shkaktoi tragjedinë në Itali ku vdiqën 14 persona

113 563 lexime

124,178FansaPëlqeje

Tre të dyshuar në një aksident me teleferik në Itali që vrau 14 persona u lejuan të dilnin nga burgu të dielën, pasi një gjykatës vendosi se pjesa më e madhe e fajit i binte vetëm njërit prej tyre, teknikut të shërbimit. Fatkeqësia më 23 maj bëri që një kabinë teleferiku që fluturonte nga qyteti turistik Stresa, të shkëputej dhe të binte në tokë mbi malin Mottarone në rajonin e Piemonte.

I vetmi i mbijetuar ishte një djalë 5-vjeçar, Eitan Biran, prindërit, vëllai i vogël dhe stërgjyshërit e të cilit humbën jetën në aksident. Pronari i ndërmarrjes së teleferikëve në Mottarone, Luigi Nerini dhe shefi i mirëmbajtjes Enrico Perocchio u arrestuan të mërkurën për incidentin së bashku me një teknik, Gabriele Tadini.

Gjykatësja hetuese e Verbania, Donatella Banci Buonamici, tani ka vendosur se kishte një “mungesë të madhe të provave” të fajësisë për dy personat e të parë, të cilët u liruan nga burgu i Verbania të dielën. Ajo shtoi se pjesa më e madhe e fajit për aksidentin ishte te Gabriele Tadini, i cili kishte çaktivizuar qëllimisht frenën e urgjencës së makinës, sepse ajo bllokohej në mënyrë spontane. Frenat mund ta kishin ndaluar kabinën e teleferikut pasi pasi kablloja u këput. Në gjyq, Tadini u ka thënë të pranishmëve: “Është i gjithi faji im”. Ai u lejua të largohej nën arrest shtëpiak dhe po pret padinë. Rajoni i Piemontit mbajti një minutë heshtje mesditën e së dielës, me flamuj që valëviteshin në gjysmë shtizë për të përkujtuar atë që ndodhi një javë më pare, fatkeqësinë pranë liqenit Maggiore.

Të fundit

Taulant Xhaka i jep lamtumirën futbollit, Daku e Laçi e mbyllin sezonin me gol

Fundjavë shumë pozitive për legjionarët kuqezinj. Vëmendjen kryesore e mori lamtumira e Taulant Xhakës, i cili mbylli karrierën profesionale në ndeshjen...

Ndarja nga jeta e Piro Milkanit/ Veliaj: Puna e tij, pasuri kombëtare e patjetërsueshme

Kryetari i bashkisë së Tiranës, Erion Veliaj ka përcjellë një mesazh ngushëllimi për ndarjen nga jeta të regjisorit Piro Milkani. Në një reagim në rrjete...

Helmimi i fëmijëve/ Bllokohen kartelat e 6 pacientëve të shtruar në spital, nisin hetimet

Prokuroria e Elbasanit nis hetimet për ngjarjen e rëndë në qytetin e Gramshit, ku raportohet se në fillim të javës u intoksikuan rreth 70...

‘Treni bullgar’, një trill propagandistik, jo një skemë reale

Altin Ketro Sapo përfunduan zgjedhjet e 11 majit, Sali Berisha dhe disa zëra të tjerë opozitarë nuk vonuan të artikulonin një justifikim të njohur tashmë: qeveria paska...

Amerikani që la “tokën e ëndrrave” për Gështenjasin

Zgjedhjet e njerëzve mbi vendet ku dëshirojnë të jetojnë janë sa të çuditshme, aq edhe reale. Dhe një nga këto raste është ai i...

Lajme të tjera

Web TV