Kryetarja e Gjykatës së Elbasanit Enkeleda Kapedani, magjistratja që shfaqet në rrjetin social Tik Tok duke bërë paradë në zyrë, me lëvizje seksi dhe gjithë forma, mohon të jetë ajo.
Një çudi në fakt, pasi ajo thotë se videot janë të inskenuara, ndërkohë që shfaqet vetë me zë dhe figurë.
“Nuk kam asnjë rrjet social. Nuk kam pasur asnjëherë”, ka thënë gjyqtarja e Elbasanit, për të cilën sot është mbledhur dhe Inspektori i Lartë i Drejtësisë dhe ka vendosur nisjen e hetimit disiplinor për të.
E kontaktuar nga Fax News pas vendimit të ILD-së, Enkeleda Kapedani është shprehur se videot janë të inskenuara qëllimisht për të përbaltur figurën e saj.
Videot e shpërndara prej saj janë bërë virale, për mënyrën luksoze të jetesës. Me veshje ekstravagante, firma të shtrenjta si Gucci e Prada, makinë BMW, kryegjyqtarja e Elbasanit ka arritur të marrë më shumë vëmendje se modelet dhe vajzat e showbizit shqiptar.
