Merr zhvillime te reja çështja e videove që dolën ne media të kryegjyqtares së Elbasanit. KLGJ ka futur me urgjencë në rend dite kërkesën e ILD për kryetaren në detyrë të Gjykatës së Elbasanit, Enkeleda Kapedani.
Sensibiliteti që krijoi çështja në opinionin publik, për vetë faktin që qarku i Elbasanit mbetet problematik për shkallën e lartë të kriminalitetit, ndërkohë që gjyqtarja duket më e fokusuar tek imazhi i saj si show girl, duket se do të ketë pasoja për karrierën e saj.
Relator i çështjes është caktuar Maksim Qoku teksa ILD ka kërkuar pezullimin dhe shkarkimin nga detyra të gjyqtares.
Disa ditë më parë Kapedanit iu shfaqën disa video në aplikacionin ‘’Tik-Tok’’ nga automjeti dhe ambientet e Gjykatës së Elbasanit. Sipas ILD veprimet e saj diskreditojnë rëndë figurën e gjyqtarit.
Kryegjyqtarja Kapedani e ka hedhur poshtë se ka një aplikacion të tillë, dhe se këto sulme kanë si qëllim që të përbaltin figurën e e saj diskreditojnë rëndë figurën e gjyqtarit.
