Policia e Vlorës ka shoqëruar 4 persona mesnatën e së enjtes, lidhur me ekzekutimin e Shkëlzen Velaj, 35 vjeç. Ky i fundit mbeti i vdekur në vend nga breshëria e kallashnikovit.
4 personat e shoqëruar dyshohet të kenë qenë në dijeni për ngjarjen, ndërsa janë ngritur dhe pika postblloqe për arrestimin e autorëve. Pika kontrolli janë ngritur në Vlorë, Orikum, autostradën Vlorë-Fier, madje edhe në Elbasan.
35-vjeçari i ekzekutuar është vëllai i Ardi Velajt, i cili mbeti i vrarë në ngjarjen e rëndë të vitit 2015, të ashtuquajturën “Masakra e Çoles”. Bashkë me vëllanë e tij u vranë dhe dy të tjerë, Akil Hasanaj dhe Albi Limaj.
Masakra ndodhi më 7 prill 2015 parë në lagjen “Çole” të Vlorës. Ajo e ka zanafillën në një sherr të nisur në të gdhirë të së martës në një kazino pranë portit të qytetit bregdetar. Konflikti mes grupeve të të rinjve në lokal la të vrarë 3 persona dhe një të plagosur.
Ndërkohë lidhur me ngjarjen e mbrëmshme, nuk janë bërë ende të ditura rrethanat.
