Ministrat e Financës të G7(grupit të shtatë vendeve më të industrializuara) kanë arritur një marrëveshje “historike” mbi taksimin global.
Lajmin bëri të ditur Kancelari Anglez i Thesarit, Rishi Sunak.
Marrëveshja “mbi parimin e një norme minimale globale prej 15% për taksimin e kompanive të mëdha, të aplikuara nga vendi në vend“, shkroi Kancelari Britanik në Twitter, duke folur për “një shtrëngim të shmangies së taksave” që do të ngarkojë “pjesën e drejtë” për shumëkombëshet Big Tech.
Sipas tij, “kompanitë më të mëdha globale, me marzhe fitimi të paktën 10%, do të shohin 20% të të gjitha fitimeve mbi këtë prag të rialokohen dhe të taksohen në vendet ku ata bëjnë shitje“.
Ministrat e financave të G7 kanë bërë, një marrëveshje për një normë minimale globale prej 15%, një “angazhim të paparë që do t’i japë fund garës për në fund të taksimit të korporatave, duke siguruar drejtësi për punëtorët në Shtetet e Bashkuara dhe në të gjithë botën”, tha Sekretarja e thesarit e SHBA Janet Yellen tha në një deklaratë.
“Sot në Londër ne bëmë një hap të madh drejt një marrëveshjeje të paparë globale mbi reformën e taksave të korporatave. Ishte një takim shumë pozitiv që na lejoi të ndërtonim ura për çështje thelbësore“, deklaroi Komisioneri Paolo Gentiloni.
“Shanset për një marrëveshje globale janë rritur shumë. Tani duhet të kalojmë në miljen e fundit për të zgjeruar këtë konsensus për anëtarët e G20 dhe të gjitha vendet e përfshira në kornizën përfshirëse të OECD.
Komisioni do të kontribuojë në mënyrë aktive në këto diskutime të vazhdueshme shumëpalëshe për të siguruar arritjen e një marrëveshje ambicioze në korrik ”, përfundon ai.
