Policia greke ka arritur të shkatërrojë një rrjet të madh të trafikut të kokainës në ishullin Mikonos. Në krye të rrjetit kriminal është identifikuar shtetasi shqiptar Gjergj Kapaj.
Gjatë operacionit të fshehtë u përdorën edhe dronë, ndërkohë që policia arriti të arrestojë 4 persona, si dhe sekuestroi armë, makina dhe lëndë narkotike. Hetimet për grupin e trafikut të kokainës filluan në tetor të vitit të kaluar, pasi policia zbuloi se grupi e trafikonte drogën nga Holanda dhe më pas e shpërndante në Mikonos.
Kreu i grupit, Gjergji Kapaj, është një person shumë i njohur për autoritetet greke, pasi në vitin 2012 është arratisur nga spitali i burgut në Trikalla. Gjithashtu ai i ka shpëtuar edhe një atentati në vitin 2017. Në atentat mbeti i vrarë shoku i tij Roland Shembitrasi.
