Ish-kryeministri Sali Berisha u shpall “non grata” nga SHBA për “korrupsion madhor”, pasi akuzohet se duke shfrytëzuar pushtetin ka pasuruar veten, familjen e tij dhe aleatët.
Një prej skandaleve më të mëdha të qeverisë së ish-kryeministrit është edhe grabitja e terreneve sportive të klubit Partizani, për llogari të dhëndrit të tij, Jamarbër Malltezit, për të ndërtuar më pas një kompleks pallatesh miliona euro.
Duke iu referuar një dokumentari të publikuar nga emisioni investigativ Top Story lidhur me aferën e shkatërrimit të kompleksit Partizani, zv.kryeministri Erion Braçe, ka publikuar në instagram një reagim me titull “Për një GOMAR!”.
“Sipas dokumenteve me firmë e vule….. Ai ishtë përfshirë në veprime korruptive të tilla si shpërdorimi i fondeve publike dhe ndërhyrje në procese publike, përfshirë përdorimin e pushtetit për përfitimet e tij, pasuruar aleatët politikë dhe familjarët e tij”, shkruan Braçe duke iu referuar Berishës dhe dhëndrit të tij, Jamabër Malltezi, ndërsa mesazhin e lidh edhe me reagimin e DASH.
Por çfarë zbuloi Top Story?
Terrenet sportive të klubit Partizani u shkatërruan për t’i lënë vendin betonizimit me ndërtesa shumëkatëshe për llogari të dhëndrit të Sali Berishës, Jamarbër Malltezit.
Në emisionin Top Story u publikuan për herë të parë dukumente ku tregohej si u dorëzuan institucionet përballë dhëndrit të ish kryeministrit Berisha, për të tjetërsuar pronën me procedura të dyshimta.
Dokumentet arkivore, faktet dhe dëshmitë, tregonin grabitjen e tokës nga Jamarbër Malltezi dhe ndërtimin e një kompleksi me vlerë 150 milionë euro./Gazeta SHQIP
View this post on Instagram
