Një 44-vjeçar është plagosur duke gjuajtur peshk në lumin Drin. Të plagosurit me inicialet R.H i ka shpërthyer një sasi lëndë plasëse artizanale.
Sipas policisë, ai është dërguar në spital për ndihmë mjekësore.
Ndërsa specialistët për Hetimin e Krimit në Komisariatin e Policisë Dibër, referuan materialet në Prokurorinë pranë Gjykatës së Shkallës së Parë Dibër, për veprat penale “Peshkim i ndaluar “, dhe “Mbajtja pa leje dhe prodhimi i armëve, armëve shpërthyese dhe i municionit”, në ngarkim të shtetasit 44 vjeçarit, banues në Dibër.
Një 36-vjecar u vu në pranga nga Policia pasi akuzohet se ka rrahur bashkëshorten e tij, e cila i është drejtuar bluve të qytetit për ndihmë.
“Nga specialistët për Hetimin e Krimit në Komisariatin e Policisë Mat u bë arrestimi në flagrancë i shtetasit B. T., 36 vjeç, banues në Burrel, pasi në banesën e tij ka ushtruar dhunë psikologjike dhe fizike ndaj bashkëshortes së tij”, bëri me dije policia.
Ndërkohë që nga shërbimet e Komisariatit të Dibrës është bërë shpallja në kërkim dhe po punohet për kapjen e shtetasit A. S., 29 vjeç, banues në Tiranë, për veprën penale “Plagosja e lehtë me dashje”.
Pasi në qytetin e Peshkopisë, për motive të dobëta ka dhunuar fizikisht shtetasin N. Sh., 60 vjeç.
