Christian Eriksen i shtrirë në barin e stadiumit të Kopenhagen me të gjithë shokët e tij të skuadrës duke formuar një rreth, ka qenë imazhi i ditës dhe mbase i vitit.
Dr. Josep Brugada, kardiolog në Spitalin Clínic, ka analizuar gjendjen e Christian Eriksen gjatë Danimarkë-Finlandë:
“Stafit mjekësot i është dashur të punojnë praktikisht 20 minuta. Ne dimë pak, por mënyra se si ai ra kaq papritur më jep një ndjenjë të keqe nga këndvështrimi i gravitetit. 98% e shkakut është një anomali e zemrës .” Kështu flet Dr. Josep Brugada , kardiolog i Klinikës Spitalore për sëmundjen që goditi Christian Eriksen gjatë ndeshjes Danimarkë-Finlandë.
“Mund të ketë të bëjë me ndonjë patologji të trurit ose aortës, por gjithsesi ka të bëjë me zemrën, me ndonjë problem të aritmisë . Nëse do të kishte qenë një goditje e nxehtësisë për disa minuta ai do të mund të ngrihej, por nuk ishte kështu” , shtoi ai për prestigjozen “As”.
“Fakti që ai është zgjuar do të thotë që Eriksen ka rifituar qarkullimin në zemrën e tij. Shpejtësia e ndërhyrjes dhe ndihma që i dhanë shokët ishte vendimtare” përfundoi ai.
Siç raportohet nga ZDF , Christian Eriksen foli me kolegët e tij nga spitali përmes një video- thirrjeje dhe u tha atyre se ai ishte tashmë shumë më mirë. Drejtori Sportiv Danez Peter Møller konfirmoi: Lojtarët biseduan me Christian dhe donin të luanin.
Kombëtarja daneze u rikthye në fushë dhe humbi 0-1 ndaj Finlandës, por sot fitoi i gjithë futbolli, pasi shëndeti është parësor në çdo rast.
