Një ngjarje e rëndë ka ndodhur në Itali, ku një 35-vjeçar ka sulmuar me armë duke lënë dy fëmijë të vdekur dhe një të moshuar.
Salvatore Ranieri, 74-vjeç u qëllua për vdekje pasi një burrë hapi zjarr në via degli Astri, Romë. Dy fëmijët e plagosur nga të shtënat vdiqën gjithashtu, vëllezërit Daniel, i moshës 10 vjeç dhe David Fusinato, 5 vjeç. Autori është Andrea Pignani, një italian 35-vjeçar me probleme mendore shumë serioze, i konsideruar nga policia si shumë i rrezikshëm.
Në vend pak para mesditës, patrulla të shumta të karabinierëve zhvilluan një operacion të gjerë në të gjithë zonën. Njeriu që qëlloi u gjurmua brenda në një apartament, ku ai u strehua dhe pas rreth tre orësh karabinierët e grupeve speciale të ndërhyrjes së GIS, hynë në apartament, dhe e gjetën atë të pajetë në dhomën e gjumit. Ai qëlloi veten me të njëjtën armë të përdorur për të vrarë fëmijët dhe kalimtarin e moshuar.
Pse ka qëlluar?
Arsyet e veprimit të çmendur janë të panjohura dhe vetëm hetimet do të jenë në gjendje t’i sqarojnë ato.
“Qitësi është identifikuar, duket se është një person i paqëndrueshëm mendërisht i cili tashmë kishte treguar sjellje armiqësore,” i tha agjencisë Agi Mario Savarese, kryetari i Ardea.
“Mendohet se gjithçka ndodhi për arsye të kota. Por ne ende nuk dimë asgjë specifike. Ne hetojmë për të kuptuar nëse ishte një hakmarrje apo një veprim i papritur. Marrëdhëniet e vrasësit me babanë e dy vëllezërve Domenico Fusinato, i cili po vuan një dënim dy-vjeçar në arrest shtëpiak, ende duhet të sqarohen”, tha ai.
