Qeni më i bukur në Shtetet e Bashkuara të Amerikës është shpallur Wasabi, i cili i përket një race pekineze. Çmimin është dhënë nga juria prestigjioze e konkursit të Westminster Kennel Club.
Prapa qenushit 3-vjeçar u rendit një Bourbon. ‘Ka talent, përshtatet në mënyrë perfekte me standardin e racës së tij, por ka diçka më shumë, shkëlqimin që e dallon një qen të mirë’, ka thënë për Cbs një nga pronarët e tij David Fitzpatrick, që si çmim për fitoren do t’i japë për darkë pekinezit të tij një fileto. Një tjetër bashkëpronar i qenit vdiq nga Covid-19 vitin e kaluar.
Wasabi, mundi një bulldog francez Mathew, qenin pastor anglez Connor dhe qentë gjerman Jade dhe Bourbon. Gjithsej morën pjesë në këtë konkurs 2500 qen dhe për shkak të pandemisë së koronavirusit këtë vit eventi prestigjioz u mbaj në ambient të hapur, pikërisht në Madison Square Garden dhe është spostuar nga shkurti në qershor.
