“Ai erdhi duke mos u pajtuar për asgjë. Erdhi e më pyeti se kur do ta njohim Kosovën. I kam thënë kurrë. Ai shpërtheu”.
Kështu deklaroi presidenti serb Aleksandar Vuçiç pas takimit në kryeministrin Albin Kurti, i zhvilluar në Bruksel me ndërmjetësimin e Bashkimit Europian. Takim që ka qenë tejet i tensionuar dhe kjo për faktin se Kurti i ka kërkuar në mënyrë të drejtpëërdrejt se kur do ta njohë Serbia, Kosovën si shtet i pavarur?
Presidenti serb shtoi se: “Unë u përgjigja ashpër, por nuk e kalova kufirin. Njeriu erdhi që të mos binte dakord për asgjë”.
“Delegacioni i Kosovës nuk dëshiron t’i zbatojë marrëveshjet e nënshkruara, pra nuk do fare të flasin për Asociacionin, ndërsa në anën tjetër kanë kërkuar ugjentisht të dijë se kur do ta njohim Kosovën dhe janë përqendruar në incidentet që kanë ndodh atje, që serbët po dëshirojnë përmes liturgjive dhe kishave në kohën kur këto kisha janë ndërtuar në kohën e Milloshevqit. Kemi folur për personat e zhdukur dhe nuk do të besoni, unë kam folur sipas principeve. Kam folur për atë se sa është e rëndësishme të zbulojmë vendet ku gjendet trupi i çdo shqiptari dhe serbi. Unë kam kërkuar që të ketë kërkime në nëntë lokacione, dy në Klinë një në Istog, një në Llapushnikë, Mehë të Gjakovë dhe Suharekë. Kemi kërkuar që ne t’i zhvillojmë zhvarrimin pasi dyshojmë se në këto lokacione ka trupa të serbëve, por ata kanë refuzuar”, ka thënë më tej Vuçiç.
Sipas Vuçiçit, është arritur pajtimi për vazhdim të dialogut deri në korrik. Takimi në Bruksel u zhvillua në prani të përfaqësuesve të Bashkimit Evropian, Përfaqësuesi i Lartë i Bashkimit Evropian për Politikë të Jashtme, Josep Borrell, dhe Përfaqësuesit i Posaçëm i BE-së për dialogun Kosovë-Serbi, Miroslav Lajçak.