Tre burra nga Jemeni janë ekzekutuar në sy të qytetarëve, pasi u dënuan për përdhunim e vrasjen e katër fëmijëve të mitur.
Fotografitë rrëqethëse tregojnë Ali Al-Nami, 40-vjeç, Abdullah Al-Makali, 38, dhe Mohammad Arman, 33-vjeç, që u dërguan në sheshin Tahrir të qytetit të Sanit.
Ata ishin veshur me rroba të kaltra duke u detyruar të qëndrojnë të shtrirë në një qilim, para se të vriten me plumb në shpinë nga ana e ekzekutuesve të veshur me uniforma ushtarake dhe doreza të zeza.
Këto janë ekzekutimet e para publike në Sana nga gushti i vitit 2018, kur kryengritësit vranë tre burra dhe një tjetër e varën në një vinç, për shkak të përdhunimit dhe vrasjes së fëmijëve.
Burrat që sot u ekzekutuan dënoheshin për krime të ndryshme. Abdullah Ali al-Mukali dhe Mohammad Arman, akuzoheshin për përdhunimin dhe vrasjen e një djali 8-vjeçar, ndërsa Al-Nami akuzohej për vrasjen e tri vajzave të tij të moshës 7,12 dhe 14.
Al-Nami kishte pranuar se ka vrarë vajzat e tij, pasi bashkëshortja e kishte braktisur, pas mosmarrëveshjeve që i kishte pasur me të. Pas vrasjes së Al-Namit, ai është mbështjellë me qilim dhe trupi i tij u largua nga sheshi i qytetit.
Turma ka filmuar momentet e tmerrshme të ekzekutimit, ndërsa ushtarët kufomat i futën në thasë dhe i larguan nga rruga.
Dënimi me vdekje nuk është diçka e pazakontë në Jemen, dhe zakonisht aplikohet për ata që akuzohen për vepra të rënda penale siç është vrasja, përdhunimi dhe terrorizmi.
