Opinioni grek ka mbetur i tronditur nga lajmi i mediave helene se 20-vjeçarja Caroline Krauts është vrarë nga bashkëshorti i saj Haralambos Anagnostopulos.
Policia ka marrë si bazë të dhënat e siguruara nga kamerat e sigurisë të shtëpisë, orën biometrike që viktima mbante në duar, por edhe mesazhet telefonike. Policia thotë, se gjatë kontrolleve në telefonin e 20-vjeçares, janë gjetur mesazhe që ajo shkëmbente me bashkëshortin.
Provat që zbuluan vrasësin
– Sipas të dhënave nga telefoni celular i Babis Anagnostopulos, ai nuk kishte thënë të vërtetën: Një aplikacion në celularin e tij që regjistron hapat, tregoi se kur ai pretendonte se ishte i lidhur, ai po ecte.
– Karta e memories në kamerën e sigurisë u hoq në 1.20 të natës, ndërsa “grabitësit” dyshohet se kanë hyrë në shtëpi tre orë më vonë. Regjistrimi i fundit i kamerës së sigurisë ishte rreth orës 12.30 të natës fatale dhe tregon pilotin të ulur me foshnjën në dhomën e ndenjes së shtëpisë.
-Ora biometrike e viktimës regjistroi impulse të rritura dhe më pas asnjë shenjë jetike shumë më herët sesa koha kur piloti pretendonte se ishte vrarë vajza.
Sipas informacioneve , çifti duket se kishte debatuar atë natë , ndërsa dyshohet se kishin mosmarrëveshje shumë kohë më parë dhe se viktima kishte vendosur të largohej me fëmijën.
