Në 19 qershor të vitit 1867, Maksimiliani i Parë i Perandorisë së Dytë meksikane u ekzekutua nga një skuadër pushkatimi në Queretaro. Ai ishte vëllai i vogël i perandorit austriak Franz Joseph I.
Me mbështetjen e ushtrisë franceze dhe një grupi monarkistësh meksikanë, Maksimilian shkoi nga Evropa në Meksikë, ku e shpalli veten Perandor më 10 prill 1864.
Shumë qeveri të huaja, përfshi atë të Shteteve të Bashkuara, refuzuan ta njohin administratën e tij. Perandori Maksimilian konsiderohej gjerësisht një kukull e Francës. Përveç kësaj, Republika meksikane kurrë nuk u mposht plotësisht; Forcat e udhëhequra nga presidenti Benito Juarez vazhduan të jenë aktive gjatë gjithë sundimit të Maksimilianit.
Me përfundimin e Luftës Civile Amerikane më 1865, Shtetet e Bashkuara filluan të jenë në gjendje për të ndihmuar më tepër forcat demokratike të Juarezit. Gjendja u bë edhe më e vështirë për Perandorin Maksimilian kur Franca tërhoqi trupat e saj në vitin 1866.
Perandoria meksikane u rrëzua, Maksimilian u kap dhe u ekzekutua në vitin 1867, ndërsa gruaja e tij Charlotte (Carlota), pësoi një tronditje të madhe emocionale dhe u çmend.
