Gjermania hap nga sot kufijtë për shqiptarët

113 563 lexime

124,178FansaPëlqeje

Nga dita e sotme hiqen zyrtarisht kufizimet e udhëtimit midis Shqipërisë dhe Gjermanisë, pas vendimit të kësaj të fundit më 18 qershor, për të miratuar rekomandimin e Këshillit Evropian për heqjen e kufizimeve me tre vende ballkanike.

Kështu, nga sot, shtetasit e Shqipërisë, Maqedonisë së Veriut dhe Serbisë, do të mund të kalojnë pa kufizime drejt shtetit gjerman.

Gjithsesi, për pjesën më të madhe të qytetarëve shqiptarë që duan të udhëtojnë drejt Gjermanisë, do të duhet të paraqesin sërish një test negativ ndaj Covid-19.

Të vaksinuarit plotësisht, përftojnë nga heqja e kufizimeve. Por, jo të gjithë. Gjermania, nga vaksinat në përdorim në Shqipëri, njeh vetëm ato nga Pfizer dhe AstraZeneca.

Një pjesë e mirë e qytetarëve ndërkohë, janë vaksinuar me vaksinat nga Sputnik V dhe Sinovac. Këta shtetas, kanë sërish nevojë të paraqesin test negativ ndaj Covid-19 ose një vërtetim që janë të shëruar nga virusi.

Për të shëruarit, vërtetimi duhet të jetë jo më pak se 28 ditë pas shërimit dhe jo më shumë se 6 muaj pas tejkalimit të infeksionit. Një vërtetim të tillë mund ta paraqesin edhe persona që kanë kryer vaksinimin dhe kanë krijuar imunitet ndaj Covid-19. Pra, persona, të cilët kanë antitrupat.

Nga Ambasada Gjermane, përpos këtyre detajeve, bëhet me dije se janë Landet Federale, ato që vendosin mbi karantinimin e detyrueshëm. Kështu, çdo Land mund t’u kërkojë udhëtarëve një periudhë të caktuar karantinimi.

Dokumentet e paraqitura në kufi duhet të jenë në versionin e printuar ose digjital, për të mbartur vlefshmërinë e tyre./MCN.tv

 

Të fundit

Negociata të reja në Turqi për luftën në Ukrainë?

Pavarësisht mungesës së dakordimit nga Kievi, Rusia planifikon të dërgojë një delegacion në Stamboll për të diskutuar përfundimin e...

Prerja e kokës, si mori fund regjimi i terrorit me Gjykatën e Revolucionit

Paris 31 Maj 1795 Në mbrëmjen e 31 majit 1795, në një Paris që ende mbante plagët e hapura të një revolucioni të përgjakshëm,...

Zbulohet motra sekrete e Bella dhe Gidi Hadid-it: Njihuni me Aydan Nix

Supermodelet e njohura Gigi dhe Bella Hadid së fundmi kanë konfirmuar se kanë një motër 23-vjeçare, Aydan Nix. Ato zbuluan se Aydan është rezultat...

Biden me kancer, Trump i pamëshirshëm: Nuk më vjen keq për të

Ish-presidenti Donald Trump deklaroi të premten se nuk duhet të ndihen “shumë keq” për presidentin Joe Biden, i cili njoftoi diagnostikimin me kancer më...

Sot seancë plenare, tentohet për herë të 24 konstituimi i Kuvendit të Kosovës

Vazhdimi i 24 i seancës konstituive të legjislaturës së nëntë mbahet sot nga ora 10:30. Kuvendi i Kosovës po dështon të zgjedhë kryetarin e ri pasi...

Lajme të tjera

Web TV