Një aksident i rëndë u shënua mëngjesin e sotëm në aksin Fier-Vlorë, ku një automjet tip “Audi” me shpejtësi të lartë goditi nga mbrapa një automjet tip “Toyota”, me të cilin udhëtonin 4 anëtarë të një familje. Familja Gushi, burrë e grua dhe dy vajza të mitura, humbën jetën tragjikisht.
Askush nga kjo familje nuk arriti të mbijetonte pas përplasjes së fortë. Tre të rinjtë që udhëtonin me “Audi” janë jashtë rrezikut për jetën. Qytetarë nga vendngjarja, shprehen për JOQ ALBANIA, se shoferi i automjetit “Audi” ka ardhur menjëherë në makinën e aksidentuar dhe është shokuar nga ajo që ka shkaktuar. Siç shihet edhe nga pamjet e mëposhtme ai vë dorën në kokë dhe thërret “O Zot, o Zot”.
Ndërkohë, një mjek i spitalit të Vlorës tha se dy prej të rinjve që ishin në “Audi” janë dërguar për në spitalin e Traumës.
