Komentatori Kosta Grillo është kërcënuar me jetë nga njerëzit e ish-drejtorit të RTSH-së Thoma Gëllci.
Dihet tashmë publikisht konflikti midis komentatorit sportiv dhe ish-drejtorit të RTSH-së, por mesa duket ky konflikt ka degjeneruar deri në kërcenime fizike.
Burime për Fjala.al bëjnë me dije se Grillo ka bërë një denoncim zyrtar në policinë e shtetit (oficeres së policisë z.Zhuliana Bregu) ndaj Gëllcit dhe rrethit të tij për shkak se ka marrë një telefonatë kërcenuese duke iu kërkuar që të mos publikojë më shkrime dhe fakte ndaj ish-drejtorit të RTSH-së.
Duket qartë që përplasja midis 2 personazheve të këtij konflikti do të përfundojë në dyert e prokurorisë.
