Ambasadori i BE-së Luigi Soreca është takuar sot me Prokurorin e Përgjithshëm Olsian Çela, teksa ka zbardhur vetë një pjesë të bisedës.
Soreca përcjell mbresat e takimit në “Twitter” ku shkruan se është i rëndësishëm përqendrimi në hetimet financiare mbi pastrimin e parave dhe rritja e vëmendjes për evazionin fiskal.
“I gëzuar që u takova me Prokurorin e Përgjithshëm Olsian Çela për të diskutuar punën e vazhdueshme dhe sfidat që na presin në funksion të fazës së re të reformës së drejtësisë. Pavarësia dhe profesionalizmi i prokurorëve janë thelbësore për të luftuar krimin në të gjitha nivelet. Është i rëndësishëm përqendrimi në hetimet financiare mbi pastrimin e parave dhe rritja e vëmendjes për evazionin fiskal. Rezultatet e para për konfiskimin përfundimtar të pasurive të paligjshme duhet të konsolidohen. Përgëzova Prokurorin e Përgjithshëm për punën e bërë deri më tani dhe konfirmova mbështetjen e vazhdueshme të BE, si në nivelin teknik ashtu edhe në atë financiar, për punën e Zyrës së tij”, shkruan ambasadori Soreca.
Glad to meet GP #Cela??@ProkuroriaAl to discuss ongoing work & challenges ahead in view on new phase of #justicereform. Independence & professionalism of prosecutors is key to fight crime at all levels. Important to keep focus on financial investigations on #moneylaundering…1/2 pic.twitter.com/OCl02mLpKH
— Luigi Soreca?? (@LSorecaEU) June 29, 2021
