Shpesh emrat e shqiptarëve i kemi gjetur prezentë në ngjarje të mëdha kriminale që kanë bërë bujë në të gjithë botën. Të karakterizuar nga gjaknxehtësia, shqiptarët janë përfshirë në konflikte të ndryshme që kanë agravuar edhe në vrasje. Por jo vetëm kaq, pasi edhe përfshirjet në rrjetin e drogës apo prostitucionit nuk ngelen pas.
Ndërkohë, organizata më e madhe e policisë globale, Interpol që përbëhet nga 194 shtete anëtare, i publikon emrat dhe fotografitë e më të kërkuarve nga çdo shtet. Por sa shqiptarë janë ‘nën lupën’ e Interpol? Aktualisht numri i personave të cilët kërkohen nga nga organizata më e madhe e policisë globale rezulton të jetë 86.
Këtë listë e prin Nikolin Noku , nga fshati Nicaj i Shalës. Ai akuzohet për trafik të lëndëve narkotike dhe kërkohet në Suedi.
I dyti i kësaj liste është 51-vjeçari, Ndriçim Hoxha, nga Kruja, që e kërkon shteti francez dhe sipas Interpolit, akuzohet për vjedhje dhe vrasje.
I treti dhe i katërti janë Taulant Memo dhe Ergest Memo nga Korça, që i kërkon për ekstradim Greqia me akuzën për dëmtimin e pyjeve të shtetit dhe armëmbajtje pa leje.
I pesti është Kristaq Leci, që kërkohet për vrasjen e oficerëve të Policisë së Shtetit.
Më i moshuari në këtë listë është 75-vjeçari, Musa Protoduari, nga Berati që kërkohet për vrasje me paramendim, vrasjen e një polici në detyrë dhe krijimin e një bande të armatosur.
Në mesin e 86 të kërkuarve është edhe një femër, 37-vjeçarja, Sara Canko nga Berati, e cila kërkohet për përfshirje në prostitucion.
Për të parë listën e plotë klikoni në linkun më poshtë:
https://www.interpol.int/en/How-we-work/Notices/View-Red-Notices
