Futbollisti Odicgukumma Kelvin Igweani është qëlluar për vdekje nga policia britanike, në Milton Keynes. 24-vjeçari ndodhej në shtëpi, aty ku më herët ishte konfliktuar me fqinjin e tij, të cilin më pas e kishte vrarë dhe e kishte lënë të vdekur në banesë.
Fqinji i hyri në shtëpi lojtarit, pasi pati dëgjuar të qarat e një fëmije, i cili ishte marrë peng nga Igweani. Pasi ishte njoftuar për këtë, policia shkoi në shtëpinë 24-vjeçarit, aty ku gjeti të vrarë fqinjin e identifikuar si Richard James Woodcock. Ky i fundit kishte shkuar të ndihmonte fëmijën e marrë peng, por mbeti i vdekur si pasojë e konfliktit me Igweani.
Mediat britanike raportojnë se policia vendosi ta qëllojë atë duke e lënë të vdekur pasi hasi rezistencën e pengmarrësit.
Gjatë karrierës së tij si futbollist, nigeriani kishte luajtur në ligat e ulëta, me Anker Wismar dhe Westfalia në Gjermani, si dhe Onley Town dhe Dunstable në Angli.
