Policia greke ka reaguar në lidhje me lajmet që qarkulluan në gazetat britanike në lidhje me një pistë të re hetimi mbi motivin e vrasjes së Carolines nga Babis Anagnostopulos.
“Mirror” raporti dje se vrasja e 20-vjeçares u bë pasi ajo zbuloi trafikun e drogës që bënte Anagnostopoulos, i cili dyshohet se me helikopterin e tij bënte edhe transport lëndësh narkotike. Zëdhënësi i policisë greke, Skrekas u përgjigj se “Trillimet nuk kane lidhje me shtetin”.
Sipas tij, “nëse ka prova, ato vlerësohen nga autoritetet gjyqësore që dinë ta bëjnë punën e tyre jashtëzakonisht mirë”. Mes të tjerash zëdhënësi tha se policia do të vijojë hetimet. I pyetur nëse ky skenar po hetohet, ai theksoi se “hetimet nuk janë objekt diskutimi në ajër”.
