Portugalia u bë vendi i parë në Bashkimin Evropian që rivendosi shtetrrethimin. Qytetarët portugez nuk do të mund të lëvizin që prej orës 23:00 deri më orën 05:00 të mëngjesit.
Autoritetet portugeze pohojnë se masa e ndalimit të qarkullimit e cila prek qytete si Lisbona, Porto, Braga apo Faro, nuk u kundërshtua nga ana e qytetarëve.
Sipas të dhënave të fundit nga autoritetet shëndetësore të vendit, këtë të shtunë u njoftuan 2.605 raste të reja me koronavirus, kjo është shifra më e lartë e regjistruar që prej shkurtit.
Zona më e prekur në vend rezulton Lisbona me 595 raste në 100.000 banorë në 14 ditët e fundit.
Ndërkohë 4 viktimat që u shënuan brenda 24-orëve e kanë rritur numrin e përgjithshëm të vdekjeve nga covid-19 në vend në 17,112.
543 pacientë të prekur nga sëmundja marrin kujdesin e mjekëve në spital, 122 prej të cilëve ndodhen në terapi intensive.
