Ndryshimi i rregullores, tërhiqet Kuvendi: Gazetarët do të jenë të pranishëm në komisione

113 563 lexime

124,178FansaPëlqeje

Në shkresën e firmosur prej tij, Kryetari i Kuvendit pranoi të marrë në konsideratë kërkesën e gazetarëve për të qenë të pranishëm fizikisht në mbledhjet e komisioneve parlamentare, duke përdorur aty edhe aparatet celularë. Tërheqja e Kuvendit erdhi pas reagimeve dhe organizmave të ndryshme ndërkombëtare.

Kuvendi i Shqipërisë është tërhequr nga vendimi për të mos lejuar gazetarët të marrin pjesë në Komisionet Parlamentare. Kjo vendimmarrje vjen pas reagimeve të shumta të gazetarëve të terrenit, të cilët protestuan përpara Parlamentit, për të kundërshtuar rregulloren e re. Protesta bëri që Sekretari i Përgjithshëm i Kuvendit të thërriste në një tryezë diskutimi gazetarët, ku u artikuluan të gjitha kërkesat. Në shkresën e firmosur prej tij, Kryetari i Kuvendit pranoi të marrë në konsideratë kërkesën e gazetarëve për të qenë të pranishëm fizikisht në mbledhjet e komisioneve parlamentare, duke përdorur aty edhe aparatet celularë. Sa i përket kamerave, ato do të jenë në këto mbledhje vetëm pak minuta, për të marrë pamje, dhe diskutimet e plota nëpër komisione, do të merren nga teknologjia që ofron Kryesia e Kuvendit. Po ashtu gazetarët nëpër korridoret e Kuvendit nuk do të jenë të shoqëruar nga Garda, një pikë tjetër kjo e rregullores së ndryshuar nga Byroja e Kuvendit në datën 2 qershor 2021, dhe sipas vendimit të ri, gazetari do të shoqërohet nga punonjësit e medias së Kuvendit, në rastet kur është e nevojshme. Sa i përket kërkesës së gazetarëve për të qenë të pranishëm në koridoret e Kuvendit për të kryer intervista me deputet, kjo kërkesë është sugjeruar të merret pjesërisht në konsideratë, duke nënkuptuar se përveç se një ambjenti në Kryesinë e Kuvendit e dedikuar për intervista, do të jetë edhe një ambjent i jashtëm, i cili do të funksionojë si i tillë. Një vendim tjetër i Byrosë së Kuvendit, i konsideruar arbitrar ishte ai, se gazetarët duhet të njoftonin zyrën e shtypit të Kuvendit mbi çështjet që do pyesnin në intervistë deputetët. Edhe prej këtij vendimi Kryetari i Kuvendit është tërhequr, duke pranuar kërkesën e gazetarëve, për të mos dhënë asnjë informacion për çështjet që do diskutojnë me të intervistuarit. Zgjidhja e këtij debati mes Kuvendit dhe gazetarëve, erdhi pasi për herë të parë, të dy palët u ulen në një tryezë dhe diskutuan për më të mirën e transparencës.

Të fundit

“11 maji sjell ndryshimin e madh”, Bardh Spahia: T’u kthejmë dinjitetin edhe socialistëve

Kandidati i PD, Bardh Spahia zhvilloi një takim në lagjen nr.3 në Shkodër, ku ftoi qytetarët që të...

Avioni i Vuçiç bën ulje emergjente, mund të mos mbërrijë në Moskë

Aeroplani i presidentit serb Aleksandër Vuçiç, i cili u nis për në Moskë për të marrë pjesë në Paradën e Fitores, bëri një ulje...

Shqiptarët tremben nga bankat, kërkojnë borxh tek të afërmit

Familjet shqiptare parapëlqejnë të marrin lekë për nevojat e tyre tek të afërmit, më shumë se sa te bankat. Më këtë përfundim del një sondazh...

Ushtria e Kosovës po vjen për të ndihmuar në kërkime për Ardit Beshirin!

Prej pesë ditësh vijojnë kërkimet intensive për Ardit Beshirin, 29-vjeçarin që u zhduk nën një masiv dheu ndërsa punonte me eskavator në një fabrikë...

Shqiptari shiste kokainë në zonën e gangsterëve në Liverpool, dënohet me 3 vite burg

Një 18-vjeçar shqiptar është dënuar me më shumë se tre vite burg pasi u dënua për vepra posedim dhe shpërndarje kanabisi në Suffolk dhe...

Lajme të tjera

Web TV