Një aksident i rëndë është regjistruar pak më parë në Gramsh, ku një minibus i linjës Gramsh-Kërpicë ka rënë në përrua.
“BalkanWeb” raporton se nga aksidenti ka mbetur i vdekur një person, ndërsa janë plagosur disa të tjerë. Gjithashtu mësohet se është kërkuar edhe ndërhyrja e zjarrfikëses.
Policia është nisur drejt vendngjarjes. Ngjarja ka ndodhur në afërsi të fshatit Bregas, ndërsa priten detaje nga policia.
