Revolucioni francez, është njëri prej uraganeve politikë më të rëndësishëm në historinë botërore. Kryengritja e klasës së mesme, e cila quhet “klasa borgjeze”, filloi në Paris më 14 Korrik të vitit 1789 me mbështetjen e masave të varfra popullore.
Në mëngjesin e kësaj dite, qytetarët e Parisit vërshuan drejt Bastijës, fortesë mesjetare dhe burg që përfaqësonte autoritetin mbretëror në qendër të Parisit. Burgu përmbante vetëm shtatë të burgosur në kohën e sulmit, por ishte simbol i shpërdorimeve të monarkisë:
Lirimi i shtatë të arrestuarve politikë, të cilët ishin simboli i monarkisë, nga ana e kryengritësve duke e bastisur burgun Bastija dhe uzurpimi i sarajeve të fisnikëve pasi kryengritja e popullit të varfër u shndërrua në një shpërthim zemërimi, nuk u mjaftua me futjen e revolucionit vetëm në një formë të përgjakshme dhe të dhunshme, por trazirat dhe rrëmujat sociale dhe politike vazhduan për pesëmbëdhjetë vite me radhë. Në këtë mënyrë, revolucioni influencoi të gjithë Evropën me në krye Francën. Të drejtat e njeriut, liritë individuale, liria e fesë dhe e ndërgjegjes dhe të drejtat themelore, hynë në rendin publik dhe ndezën fitilin e shumë ndryshimeve rrënjësore jo vetëm politike, por edhe sociale, kulturore, fetare dhe ekonomike. Në këtë mënyrë, institucionet fetare u përçmuan në sytë e popullit. Për pesëmbëdhjetë vite me radhë kishat hynë nën shtypje. Madje, kishat që gjendeshin në qendrat e qyteteve u mbyllën. Institucionet katolike u dëmtuan mjaft ndjeshëm. Fakti që vendet e tjera të Evropës i vendosën bllokazh Francës, në të cilën u përhapën mendimet e reja, nxiti nacionalizmin francez. Mendimi për t’i formuar shtetet sipas parimit të nacionalizmit të tyre, ishte ndikimi më i rëndësishëm i këtij revolucioni që lëkundi fort perandoritë e asaj kohe. Më së fundi, mendimet e administrimit të mbështetur te pluralizmi, monarkia dhe republika në udhëheqje, u ushqyen nga ky revolucion dhe akoma funksionojnë si novacione që ndikojnë edhe në ditët e sotme.
Marrja Bastijës ishte ndezi Revolucionin. Në Francë, 14 korriku është festë publike, e quajtur Dita e Bastijës.
