Diplomimi i oficerëve, Peleshi: Akademia FA së shpejti sipas modelit të “West Point”

113 563 lexime

106,048FansaPëlqeje

76 oficerë të Forcave të Armatosura dhe Forcës së Sigurisë së Kosovës përfunduan kurset e gradave në Akademinë e FA. Ushtarakët shqiptarë ndoqën për rreth 1 vit Kursin e Lartë të Oficerit dhe Kursin e Komandës dhe Shtabit të Përgjithshëm.

Në ceremoninë e diplomimit ishte i pranishëm ministri i Mbrojtjes Niko Peleshi, shefi i Shtabit të Përgjithshëm të FA gjeneralmajor Bajram Begaj, zëvendës-shefja e SHP gjeneralmajor Manushaqe Shehu, komandanti i AFA gjeneral brigade Albert Mullai, komandantë forcash etj.

Ministri Peleshi ndau me të pranishmit përshtypjet e mira që u kishte lënë përgatitja, profesionalizmi dhe niveli i ushtarakëve shqiptarë gjatë stërvitjes “Defender Europe 21”. Peleshi shpalosi planet për rritjen e mëtejshme të nivelit të arsimimit të ushtarakëve shqiptarë, duke marrë shembull një ndër akademitë ushtarake më prestigjioze të botës, West Point në SHBA.

 “Dua të ndaj me ju ambicien tonë për t’i dhënë një dimension shumë të fortë Akademisë së FA në bashkëpunim me aleatët tanë në NATO e veçanërisht me partnerin tonë strategjik SHBA, me të cilët jo vetëm unë personalisht, por edhe vetë kryeministri në të gjitha takimet që ka patur me nivelet më të larta të NATO-s, por edhe Departamentit të Shtetit ka ngritur si kërkesë dhe si ftesë për bashkëpunim ristrukturimin dhe fuqizimin e Akademisë së FA. Ajo çka ju intereson drejt për së drejti janë 4 kurset nivelit të lartë të cilat duam t’i ngremë gjithashtu në një nivel tjetër. Kemi formuluar ambicie që brenda 3 vitesh të hapen këto kurse dhe do duhen të jenë në anglisht. Duam t’i paketojmë kurset në një Kolegj të Mbrojtjes duam t’i japim përmasë rajonale. Duam t’i shërbejmë edhe vëllezërve tanë në Kosovë, por pse jo edhe në Maqedoninë e Veriut, Malin e Zi apo dhe më gjerë se kaq. Së shpejti do të kemi një vizitë në West Point besoj edhe vet kryeministri do të jetë me ne aty për të jetësuar modelimin e Akademisë FA sipas modelit të West Point”, tha Peleshi.

Kursin e Lartë të Oficerit e ndoqën 19 ushtarakë, ndërsa në Kursin e Komandës dhe Shtabit të Përgjithshëm u diplomuan 57 të tillë.

Lexo edhe :  Yuri Kim dhe Evis Kushi japin certifikatat studentëve: Kontribuoni në fuqizimin e Shqipërisë

 


Të fundit

Katastrofë e përmbytjeve në Gjermani, 42 viktima dhe dhjetëra të tjerë zhdukur (VIDEO)

Rritet bilanci i viktimave nga përmbytjet në Gjermaninë perëndimore, duke shkuar në 42 numri i viktimave dhe mbi 90...

Gjykata e BE-së lejon kompanitë të ndalojnë vendosjen e mbulesës myslimane në kokë

Gjykata Evropiane e Drejtësisë ka marrë vendim që kompanitë mund të ndalojnë vendosjen e mbulesës myslimane në kokë, me kushte të caktuara. Kjo Gjykatë,...

Diplomimi i oficerëve, Peleshi: Akademia FA së shpejti sipas modelit të “West Point”

76 oficerë të Forcave të Armatosura dhe Forcës së Sigurisë së Kosovës përfunduan kurset e gradave në Akademinë e FA. Ushtarakët shqiptarë ndoqën për...

Gjenden dy trupa të pajetë në ish rezidencën luksoze të Gianni Versace

Njëzet e katër vjet pas vrasjes së stilistit me famë botërore Gianni Versace i cili ndërroi jetë më 15 korrik të vitit 1997 në...

Zgjedhjet lokale të 30 qershorit/ Gjykata Kushtetuese zbardh tre pyetjet drejtuar Komisionit të Venecias

Gjykata Kushtetuese ka publikuar sot në faqen zyrtare 3 pyetjet drejtuar Komisionit të Venecias lidhur me zgjedhjet vendore të 30 qershorit. Kushtetuesja e ka cilësuar...

Lajme të tjera

Web TV